Sanyol: “Bizimlə müqayisədə Türkiyə millisinin üzərində böyük təzyiq var”

Gürcüstan millisinin baş məşqçisi Villi Sanyol bu gün Avro-2024-ün qrup mərhələsinin ilk turunda Türkiyəyə qarşı keçirəcəkləri oyun barədə danışıb.

Futbolxeber.az saytının məlumatına görə, fransız mütəxəssis komandasının ciddi sınaq qarşısında olduğunu söyləyib:

“Əminəm ki, bizimlə müqayisədə Türkiyə millisinin üzərində böyük təzyiq var. Biz uzun müddət rəqibin üstün cəhətləri barədə danışa bilərik. Çünki həqiqətən də Türkiyə millisinin heyətində xeyli sayda güclü, texnikalı futbolçular var. Bu, bizim üçün ciddi sınaq olacaq”.

Qeyd edək ki, Türkiyə-Gürcüstan oyunu bu gün Bakı vaxtı ilə 20:00-da start götürəcək.