"Fransanın mundiala yollanacağına əminəm"

Fransa millisinin hücumçusu Kərim Benzema DÇ-2014-ün play-off mərhələsi çərçivəsində Ukraynaya qarşı keçirəcəkləri oyunlar haqda danışıb. Futbolxeber.az-ın məlumatına görə, təcrübəli forvard mundiala yollanacaqlarına əminliyini ifadə edib: "Qarşıdakı hər 2 oyunda maksimum gücümüzü sərf edəcəyik. Dünya çempionatına yollanacağıq, buna əminəm. Geriyə yolumuz yoxdur. Ukraynanı mütləq mübarizədən kənarlaşdırmalıyıq. Qarşıdakı dünya çempionatı Braziliyada keçiriləcək. Orada meydana çıxmağı isə hər bir futbolçu arzulayır. Məşqçinin kimə şans verməsinin elə də önəmi yoxdur. Əgər, meydana çıxmaq şansı qazansam, komandamın uğuru üçün əlimdən gələni edəcəyəm".