Maurinyo məşqə gecikən futbolçuya şans tanımadı

"Çelsi"nin aparıcı üzvü Eden Azar dünən ÇL-in qrup mərhələsinin dördüncü turu çərçivəsində "Şalke"yə qarşı baş tutan oyunda (3:0) forma geyməyib. Futbolxeber.az-ın məlumatına görə, Maurinyonun belçikalı futbolçunu cəzalandırması buna səbəb olub. Portuqaliyalı mütəxəssis özü bu haqda açıqlama verib: "Hansısa yalan uydurub, Azarın zədəli olduğunu deməyəcəyəm. O, məşqə gecikdiyinə görə cəzalanıb. Bu məsələni şişirtməyə ehtiyac yoxdu. Gəncdi, onun yaşında bu cür hallar yaşana bilər".

Qeyd edək ki, istirahətdən yararlanan Azar sabiq klubu "Lill"in "Monako"ya qarşı keçirdiyi oyunu izləmək üçün Fransaya yollanıb və bu səbəbdən də növbəti günə planlaşdırılan məşqə gecikib.