Adı Azərbaycan millisi ilə hallanan məşqçi bu gün klubunu tərk edir

Mahaçqalanın "Dinamo" klubunun baş məşqçisi Qurban Berdıyevin bu gün tutduğu vəzifədən istefa verəcəyi gözlənilir.

Futbolxeber.az-ın məlumatına görə, bu barədə Rusiyanın sport24.ru saytı açıqlama yayıb. Bildirilir ki, 71 yaşlı mütəxəssis bu gün futbolçularla vidalaşacaq.

Onun növbəti dəfə çalışdıracağı komandalar arasında Azərbaycan millisinin də adı keçir. Lakin daha əvvəl AFFA-dan Q.Berdıyevlə danışıqlar aparılmadığı bildirilib.

Qeyd edək ki, Berdıyev "Dinamo"ya 2023-cü ilin yayından başçılıq edir. Hazırda komanda Rusiya birinci liqasında liderdir.