"Səmədova "Səmədyan" deyirdilər"

Rusiyanın "Sport-Ekspress" qəzetinin əməkdaşı Boris Levin maraqlı fikirlər səsləndirib. Futbolxeber.az-ın məlumatına görə, Levin Səmədovun Bakıda üzləşdiyi təzyiq haqda danışıb: "Tez-tez Bakıda oluram. Orada yetərincə dostum var. Bu səbəbdən əminliklə deyə bilərəm ki, bakılıların əksəriyyəti Rusiya millisinə azarkeşlik etməsələr belə, bizə görə həyəcan keçirirlər. Azərbaycanlılar sülhsevər və qonaqpərvər xalqdırlar. Səmədovun ünvanına səsləndirilən şüarlardan birini yazmaq mümkündür - Samedyan. Bu, Səmədovun soyadının erməniləşdirilməsidir. Əfsus ki, ermənilər azərbaycanlılar üçün barışmaz düşməndir. Qalmaqala səbəb Səmədovun oyundan əvvəl verdiyi müsahibə oldu. Yerli mentaliteti bilmək lazımdır. Bir uğursuz “nakazıvat” (cəzalandırmaq) sözü ucbatından aləm bir-birinə dəydi. Azərbaycanlılar bu sözə başqa, daha sərt məna verirlər”.