Abışovun komanda yoldaşları fanatlarla dalaşdılar

Milli komandamızın üzvü Ruslan Abışovun çıxış etdiyi "Rubin" klubunun 2 futbolçusu Oleq Kuzmin və Aleksandr Prudnikov qalmaqal iştirakçısı olub. Futbolxeber.az-ın məlumatına görə, oktyabrın 25-də axşam saatlarında adıçəkilən futbolçular azarkeşlərlə əlbəyaxa olublar. Hadisə şahidlərindən biri olayı belə anlatıb: "Saat təxminən 8 idi. Biz "Basta" qrupunun konserti üçün növbədə dayanmışdıq. Gözlənilmədən girişdə səs-küy yarandı. Baxarkən Aleksandr Prudnikovu dərhal tanıdım. O, normal şəkildə klubdan çıxdı. Ardınca isə mühafizəçilər yüngül formada desəm, Oleq Kuzmini bayıra atdılar. İçəri daxil olduqdan sonra mühafizəçidən nə baş verdiyini soruşdum. O dedi ki, futbolçuları tanıyan azarkeşlər "Rubin"in uğursuz çıxışı ilə bağlı futbolçulara suallar veriblər. Bundan sonra tərəflər arasında əvvəlcə mübahisə, sonra isə dava düşüb".