"Hakim Kyelliniyə qırmızı vərəqə göstərməməliydi"

"Yuventus"un yarımmüdafiəçisi Pol Poqba "Real"a 1:2 hesabı ilə uduzduqları oyunu şərh edib. Futbolxeber.az-ın məlumatına görə, Poqba hakimin Kyellinini meydandan qovduğu epizodda səhvə yol verdiyini bildirib: "Kyelini bu cür cəzaya layiq deyildi. Orada qırmızı vərəqə yox idi. Amma hakim fərqli düşündü və biz buna qarşı heç nə edə bilmərik. Təbii ki, azlıqda qaldıqdan sonra oynamaq daha çətin idi. Əgər, hakim Kyelinini meydandan qovmasaydı, yəqin ki Madriddən xalla qayıdardıq. Yenildiyimiz üçün komandada hər kəs məyusdur. Amma təslim olmuruq. Qarşıda hələ 3 oyunumuz var".