“Arsenal” tarixinin ən bahalı transferini reallaşdırır

“Arsenal” “Vest Hem”in yarımmüdafiəçisi Deklan Raysı transfer etməyə hazırlaşır.

Futbolxeber.az saytının “The Guardian”a istinadən verdiyi məlumata görə, keçidlə bağlı 2 klub arasında aparılan danışıqlar yekunlaşmaq üzrədi. “Arsenal” 24 yaşlı futbolçu üçün qarşı tərəfə 115 milyon avro ödəyəcək. Bununla da, Rays “topçular”ın tarixində ən bahalı transfer olacaq.

Qeyd edək ki, “Vest Hem”in yarımmüdafiəçisi 2022/23 mövsümündə bütün turnirlər nəzərə alınmaqla 50 matçda forma geyib, 5 qol vurub, 4 məhsuldar ötürmə verib.