“Fənərbaxça”nı Luçesku çalışdıracaq?

Mirça Luçesku yenidən Türkiyədə çalışa bilər.

Futbolxeber.az saytının “NTV Spor”a istinadən verdiyi məlumata görə, “Fənərbaxça” rumın mütəxəssisin xidmətində maraqlıdı. Luçesku bu günlərdə baş məşqçi postundan ayrılan Jorje Jezusu əvəzləyə bilər.

Qeyd edək ki, Luçesku 2020-ci ildən Kiyev “Dinamo”sunda çalışır. 77 yaşlı mütəxəssisin Ukrayna təmsilçisi ilə müqaviləsi gələn yay başa çatacaq.

Əlavə edək ki, Luçesku daha əvvəl “Qalatasaray”, “Beşikaş” və Türkiyə milli komandasının baş məşqçisi olub. Rumın mütəxəssisin rəhbərliyi altında “Qalatasaray” 2001/02, “Beşiktaş” isə 2002/03 mövsümündə Türkiyə Superliqasının qalibi olub.