DÇ-2014: İlk səbətdə yer alacaq 7 komanda bəllidi

FİFA DÇ-2014-ün final mərhələsinin püşkatması zamanı birinci səbətdə yer alacaq komandaların adlarını rəsmən təsdiqləyib. Futbolxeber.az-ın məlumatına görə, ilk səbətdə meydan sahibləri ilə yanaşı, İspaniya, Almaniya, Argentina, Kolumbiya, Belçika və İsveçrənin yer alacağı dəqiqdir. Sonuncu komanda isə ya Uruqvay, ya da Hollandiya olacaq. Bu, Uruqvay millisindən asılıdır. Əgər, cənubi amerikalılar play-offda İordaniyanı mübarizədən kənarlaşdırsalar, ilk səbətdə yer alacaqlar. Yox, İordaniya istəyinə çatsa, o zaman Hollandiya ilk səbətdə qərarlaşacaq. İtaliya millisinin isə ilk səbətdə yer almaq şansı yoxdu.

Xatirladaq ki, DÇ-2014-ün final mərhələsində mübarizə aparacaq 32 komandadan 21-inin adı məlumdur. Son 11 kollektiv isə noyabrın 19-da bəlli olacaq. DÇ-nın qrup mərhələsinin püşkü isə dekabrın 6-da atılacaq.