Qvardiola kubok sayında Luçeskuya çatdı

“Mançester Siti” Çempionlar Liqasının finalında “İnter”i 1:0 hesabı ilə məğlub edib.

Futbolxeber.az saytının xarici KİV-ə istinadən verdiyi məlumata görə, bu nəticə ilə Xosep Qvardiola baş məşqçi kimi karyerası ərzində 35-ci titulunu qazanıb. Pep dünyanın ən çox kubok qazanan məşqçilərinin siyahısında Mirça Luçeskuya çatıb. İndi onlar ikinci pilləni bölüşdürürlər. Bu baxımdan rekord Aleks Ferqyusona məxsusdu. “Mançester Yunayted”in sabiq çalışdırıcısı karyerası ərzində 49 titul qazanıb.

Çempionlar Liqasının üçüncü dəfə qalibi olan ispan mütəxəssis bu nəticə ilə Zinəddin Zidana çatıb. Rekord isə 4 dəfə qitənin 1 nömrəli klub turnirinin qalibi olan Karlo Ançelottiyə məxsusdu.