Prandelli mundial zamanı sosial şəbəkələrə "yox" dedi

İtaliya millisinin baş məşqçisi Çezare Prandelli dünya çempionatı zamanı yığmada tətbiq edəcəyi qadağalardan danışıb. Futbolxeber.az-ın məlumatına görə, təcrübəli mütəxəssis mundial zamanı futbolçuların sosial şəbəkələrdən istifadəsinə icazə verməyəcəyini bildirib: "Mundial zamanı millidə nizam-intizam çox güclü olacaq. Sosial şəbəkələrə daxil olmaq qəti qadağan olacaq. Balotelliyə qarşı indi təbliğat aparıb-aparılmadığını deyə bilmərəm. Amma bilirəm ki, hazırda onun üzərində güclü təzyiq var. Marionu da anlayışla qarşılayıram. Gəncdi, amma unutmamalıdı ki yaşının azlığına baxmayaraq, o, dünyasəviyyəli ulduzdu. Mənimçün onunla işləmək çox xoşdur. Çünki heç vaxt Mario ilə bağlı problem yaşamamışam".