“Çelsi” ilə oyunda layiqli bir xal qazandıq”

“Nottingem Forest”in baş məşqçisi Stiv Kuper İngiltərə Premyer Liqasının 36-cı turunda “Çelsi” ilə heç-heçə (2:2) etdikləri oyunu şərh edib.

Futbolxeber.az saytının məlumatına görə, o, komandasının güclü rəqiblə oyunda 1 xala layiq olduğunu bildirib:

“Düşünürəm ki, bu, çox çətinliklə, amma layiqli şəkildə qazanılmış 1 xaldı. Yalnız buraxdığımız qollar məni məyus edir. Matçdan əvvəl əksəriyyət bizim uduzacağımızı düşünürdü. Amma bizim oyunumuz yaxş alındı. Mövsümün əvvəlində bir neçə bu cür nəticə qazansaydıq, indi turnir cədvəlində mövqeyimiz daha da yaxşı olardı”.

Xatırladaq ki, bu heç-heçədən sonra xallarının sayını 34-ə çatdıran “Nottingem Forest” turnir cədvəlində 16-cı yeri tutur. “Çelsi” isə 43 xalla 11-cidi.