Çexiyalı hücumçu “Lokomotiv”dən birdəfəlik ayrıldı

Moskva “Lokomotiv”inin hücumçusu Yan Kuxta klubdan birdəfəlik ayrılıb.

Futbolxeber.az saytının məlumatına görə, çexiyalı forvard icarə əsasında çıxış etdiyi “Sparta”ya transfer olunub. Moskva klubu keçidi təsdiqləsə də, Kuxtanın satışının hansı məbləğə reallaşdığını açıqlamayıb. Məlumatda yalnız o qeyd olunub ki, keçidin maddi şərtləri hər iki tərəfi qane edib. 

Qeyd edək ki, “Lokomotiv”in heyətində 11 matçda 3 qol vuran Kuxta 2022-ci ilin iyulundan icarə əsasında “Sparya”da forma geyir.