“Çelsi” “Borussiya”nın qapıçısı ilə güclənmək istəyir

“Çelsi”nin növbəti transfer hədəfi məlum olub.

Futbolxeber.az saytının “Bild”ə istinadən verdiyi məlumata görə, London klubu Dortmund “Borussiya”sının qapıçısı Qreqor Kobeli heyətinə qatmaq istəyir.

“Çelsi”nin hazırkı “1 nömrə”si Eduard Mendinin yayda komandadan gedəcəyi gözlənilir. Bu səbəbdən də artıq indidən London təmsilçisi ona əvəzləyici axtarır.

Qeyd edək ki, Kobel cari mövsüm “Borussiya”nın heyətində meydana çıxdığı 29 matçdan 12-də qapısını toxunulmaz saxlayıb. 25 yaşlı qapıçının hazırkı klubu ilə müqaviləsi 2026-cı ilin 30 iyununa kimidi.