“Zirə”nin kapitanı: “İstəyirdik ki, 90 dəqiqə ərzində oyunu bitirək”

“Səbail” I Liqada çempionluğa oynayan komandadır. Heyətlərindəki yerli və legioner futbolçular keçən mövsüm Premyer Liqada çıxış ediblər. Odur ki, yaxşı təşkil olunmuş bir komanda ilə qarşılaşacağımızı bilirdik. Gözlədiyimiz kimi, matç çətin keçdi, penaltilər seriyasına qədər uzandı. Yekunda mərhələni keçən tərəf biz olduq və buna görə şadıq”.

Futbolxeber.az saytının məlumatına görə, bu sözləri “Zirə”nin kapitanı Qismət Alıyev Azərbaycan Kubokunun 2-ci təsnifat mərhələsində “Səbail”ə qarşı keçirilən oyundan (2:2, penaltilər seriyasında 2:3) sonra deyib.

O, oyunun penaltilərə kimi uzanması barədə sualı belə cavablandırıb: “Deyim ki, oyunun penaltilər seriyasına qədər uzanacağını gözləyirdik, ya gözləmirdik, düz olmaz. Sadəcə, istəyirdik ki, 90 dəqiqə ərzində oyunu bitirək. Çünki bizi üç gündən sonra çempionatda səfərdə “Araz-Naxçıvan”la oyun gözləyir”.

Təcrübəli müdafiəçi artıq növbəti matçı düşündüklərini bildirib: “Zədəli futbolçularımız çox, ehtiyat qüvvəmiz az idi. Bacardığımız qədər istəyirdik ki, oyunun taleyini 90 dəqiqə ərzində həll edək. Bu gün alınmadı. Qarşıdakı oyunlara hazırlaşacağıq”.