“Çelsi” Potteri qovdu

“Çelsi” baş məşqçi Qrem Potteri istefaya göndərib.

Futbolxeber.az saytının məlumatına görə, London klubunun bu haqda yaydığı açıqlama deyilir:

“Bəyan edirik ki, Qrem Potter klubu tərk etdi. O, klubun şərtləri ilə razılaşdı və gedişini tezləşdirdi. Biz klubdakı fəaliyyətinə görə ona təşəkkür edirik və gələcək karyerasında uğurlar arzulayırıq”.

“Çelsi” müvəqqəti olaraq Bruno Saltora tapşırılıb.

Qeyd edək ki, Qrem Potter “Çelsi”ni 2022-ci ilin sentyabrından çalışdırırdı. 47 yaşlı mütəxəssislə 5 illik müqavilə imzalanmışdı. Onun rəhbərliyi altında “Çelsi” 31 matçdan 12-də qələbə qazanıb, 11-də uduzub və 8 dəfə heç-heçə edib. Hazırda London təmsilçisi 38 xalla Premyer Liqada 11-ci yeri tutur. Çempionlar Liqasında 1/4 finala adlayan “zadəganlar” bu mərhələdə “Real”la üz-üzə gələcək.