“İnter”in baş məşqçi vəzifəsinə kimlər namizəddi?

Mövsümün sonunda Simone İnzagi ilə yollarını ayıracağı gözlənilən “İnter” baş məşqçi axtarışındadı.

Futbolxeber.az saytının “La Gazzetta dello Sport”a istinadən verdiyi məlumata görə, hazırda Milan klubunu çalışdırmağa əsas namizəd Roberto de Dzerbidi. Lakin onun gəlişi üçün “İnter” hazırkı klubu “Brayton”a böyük məbləğdə kompensasiya ödəməlidi.  

De Dzerbi ilə razılaşmaq mümkün olmasa, o zaman diqqətlər digər namizədlərə yönəcək. “İnter” rəhbərliyinin siyahısında de Dzerbidən başqa, Dieqo Simone (“Atletiko”), Tyaqo Motta (“Bolonya”) və İnzagiyə qədər komandanı çalışdırmış Antonio Konte var.