Ten Haq: “Mövsüm hələ indi başlayır”

“Mançester Yunayted”in baş məşqçisi Erik ten Haq mövsümün qalan hissəsi barədə fikirlərini bölüşüb.

Futbolxeber.az saytının məlumatına görə, niderlandlı mütəxəssis qeyd edib ki, mövsümün həlledici hissəsi indi başlayır:

“Buna qədər hər şey yaxşı gedir. Amma mövsüm hələ indi başlayır. Unutmayaq ki, hər kəs məhz mükafat qazanmaq üçün çalışır. Söhbət kuboklar və Premyer Liqada ilk dördlüyə düşməkdən gedir. Hazırda düzgün yoldayıq. Biz komandanı inkişaf etdirmişik, oyun tərzinin üzərində çalışırıq. İndi isə bütün bunları nəticədə əks etdirməliyik”.

Qeyd edək ki, “Mançester Yunayted” hazırda 26 oyundan 50 xal toplamaqla üçüncü pillədə qərarlaşıb.