Vyeri: “İmmobile İtaliya millisinin əsas hücumçusu olmalıdı”

İtaliya millisinin sabiq futbolçusu Kristian Vyeri “Skuadra Adzurra”nın hücum xətti barədə danışıb.

Futbolxeber.az saytının məlumatına görə, veteran forvard bildirib ki, millinin baş məşqçisi Roberto Mançini ön xətdə Çiro İmmobileyə üstünlük verməlidi:

“Mançini ilyarım ərzində 25 qol vuran hücumçu axtarır. Nə üçün? Ona görə ki, digərləri bu müddətdə cəmi 4-5 dəfə fərqləniblər. Bu səbəbdən də əsas heyətdə stabil oynamağa layiq bir nəfər var, o da məhz İmmobiledi. Millinin əsas hücumçusu məhz Çiro olmalıdı”.

Qeyd edək ki, Çiro İmmobile İtaliya millisində 2014-cü ildən çıxış edir. Bu müddətdə o, 55 matçda 15 qol vurub.