Tuhel debüt matçını qiymətləndirdi

“Bavariya”nın yeni baş məşqçisi Tomas Tuhel “Borussiya” üzərində qazanılan 4:2 hesablı qələbəni şərh edib.

Futbolxeber.az saytının “Sky Sport”a istinadən verdiyi məlumatına görə, o, komandasının oyununda çox çatışmazlıq olduğunu bildirib:

“Bu gün ilk addımımızı atdıq. Oyun çox gərgin keçdi. Biz matçın gedişinə və topa daha çox nəzarət etmək istəyirdik. Qarşılaşmanın startı çox əsəbi idi, matç boyu isə səliqəli çıxış etmirdik, xeyli top itkilərinə yol verdik. Üzərində işləməli olduğumuz çox detal var”.

Qeyd edək ki, bu, Tuhelin “Bavariya”nın baş məşqçisi kimi debütu idi. Bu qələbə sayəsində Münhen klubu 55 xalla turnir cədvəlinin lideridi.