Ten Haq: “Mançester Yunayted” “Sevilya” ilə oyuna hazır deyildi”

“Mançester Yunayted”in baş məşqçisi Erik ten Haq Avroliqanın 1/4 finalında “Sevilya”dan alınan 0:3 hesablı məğlubiyyəti şərh edib.

Futbolxeber.az saytının məlumatına görə, niderlandlı mütəxəssis komandasının görüşə hazır olmadığını bildirib:

“Bu cür səhvlər buraxanda qələbə qazanmaq çox çətin olur. Biz daha yaxşı oynamağa məcburuq. Təkbətək mübarizələr zamanı səhv qərarlar qəbul edirdik. Rəqib isə daha istəkli idi. Belə səhvlərə yol verərkən yenilgi qaçılmazdı. Mən futbolçularıma inanıram, onların bacarıqlarına bələdəm. Amma belə görünür ki, biz bugünkü oyuna hazır deyildik”.

Xatırladaq ki, iki oyunun nəticəsinə görə “Sevilya”ya 2:5 hesabı ilə uduzan “Mançester Yunayted” Avroliqa ilə vidalaşıb.