“Bavariya” Maneni 500 min avro cərimələdi

Komanda yoldaşı Leroy Sane ilə dalaşan “Bavariya”nın hücumçusu Sadio Manenin cəzası bəlli olub.

Futbolxeber.az saytının “Goal”a istinadən verdiyi məlumata görə, Münhen klubu seneqallı futbolçunu 500 min avro cərimələyib.

Xatırladaq ki, insident “Mançester Siti”yə qarşı baş tutan Çempionlar Liqasının 1/4 final mərhələsinin ilk oyunundan (0:3) sonra baş verib. Mübahisə zamanı Mane almaniyalı yarımmüdafiəçiyə zərbə endirib. Bundan sonra  “Bavariya” Saneni Bundesliqanın 28-ci turunda “Hoffenhaym”la oyunun hazırlıqlarından uzaqlaşdırıb.