“İnter”in direktoru de Dzerbinin nümayəndəsi ilə görüşdü

“İnter”in idman direktoru Pyero Auzilio “Brayton”un baş məşqçisi Roberto de Dzerbinin meneceri Eduardo Srnyarla görüşüb.

Futbolxeber.az saytının məlumatına görə, bu barədə “La Gazzetta dello Sport” xəbər yayıb.

Nəşr yazır ki, de Dzerbi yeni mövsümdə “İnter”i çalışdırmağa əsas namizəddi. Milan klubunun rəhbərliyi cari mövsümün sonunda Simone İnzagi ilə vidalaşmağı planlaşdırır.

Qeyd edək ki, “İnter” 29 turdan sonra İtaliya çempionatında 51 xalla 5-ci yeri tutur. A seriyasından fərqli olaraq Çempionlar Liqasında Milan təmsilçisinin işləri pis getmir. Belə ki, komanda 1/4 final mərhələsinin ilk görüşündə səfərdə “Benfika”nı 2:0 hesabı ilə məğlub etməklə yarımfinal yolunda vacib addım atıb.