Sabiq “Liverpul”lu ürəyindəki problemə görə karyerasını başa vurdu

“Qremio”nun formasını geyən Lukas Leyva futbolçu karyerasını başa vurub.

Futbolxeber.az saytının məlumatına görə, həkimlər braziliyalı futbolçunun ürəyində problem aşkarlayıblar.

Bununla bağlı keçirdiyi mətbuat konfrasında Leyva deyib:

“Mənim sağlamlığım hər şeydən daha önəmlidi. Ona görə də belə qərar qəbul etdim. “Qremio”ya minnətdaram. Mən karyeramı oynamaq istədiyim klubda bitirirəm. Təəssüf ki, hər şey planlaşdırdığım kimi getmədi”.

Qeyd edək ki, “Qremio”nun yetirməsi olan 36 yaşlı Lukas Leyva daha çox “Liverpul”dakı çıxışı ilə tanınıb. 2008-ci ildən 2017-ci ilə kimi İngiltərə təmsilçisində çıxış edən braziliyalı futbolçu növbəti 5 mövsümdə “Latsio”nun uğurları üçün çalışıb. 2022-ci ildə isə o, doğma klubuna qayıdıb.