“Liverpul”un yarımmüdafiəçisi üçün mövsüm bitdi

“Liverpul”un yarımmüdafiəçisi Stefan Bayteçiç üçün mövsüm erkən başa çatıb.

Futbolxeber.az saytının məlumatına görə, bu haqda 18 yaşlı futbolçu özü açıqlama verib:

“Təəssüf ki, aldığım zədə mənə bu mövsüm bir daha meydana çıxmağa imkan verməyəcək. Mənim üçün əla olan mövsümlə belə tez vidalaşmaq təəssüf doğurur. Amma anlayıram ki, bu da futbolun ayrılmaz bir hissəsidi. Aldığım zədə məni həm fiziki, həm də psixoloji cəhətdən daha güclü edəcək”.

Qeyd edək ki, ispan futbolçu bu mövsüm “Liverpul”un heyətində debüt edib. O, komandanın tarixinə Çempionlar Liqası matçında meydana çıxan ən gənc futbolçu kimi düşüb.