Rodriges “Mançester Yunayted” üzərində qələbəyə ümid edir

“Betis”in yarımmüafiəçisi Qido Rodriges Avroliqanın 1/8 finalında “Mançester Yunayted”ə qarşı keçiriləcək cavab matçı barədə danışıb.

Futbolxeber.az saytının məlumatına görə, o, ilk oyundakı 1:4 hesablı yenilgiyə baxmayaraq, cavab qarşılaşmasında qələbə qazanacaqlarına inandığını bildirib:

“Biz bunu bacaracağımıza inanırıq. Təbii ki, oyun çətin keçəcək. Lakin qalib gəlmək üçün əlimizdən gələni edəcəyik. Ağıllı oynamaq çox vacibdi. Rəqibin gücünü bilirik. Üstəlik, ilk matçdan sonra “Mançester Yunayted”in böyük üstünlüyü var. Amma bizi qarşıda hələ 90 dəqiqə var. Nəyə qadir oluğumuzu göstərməliyik”.

Xatırladaq ki, bu gün keçiriləcək “Betis” - “Mançester Yunayted” matçı Bakı vaxtı ilə 21:45-də start götürəcək.