Zakariya yeni mövsümdə “Çelsi”yə lazım olmayacaq

“Çelsi” Denis Zakariyanı heyətində saxlamayacaq.

Futbolxeber.az saytının məlumatına görə, London klubu ötən ilin sentyabrında “Yuventus”dan icarəyə götürdüyü futbolçunu birdəfəlik transfer etməyəcək.

İsveçrəli yarımmüdafiəçi “Çelsi”də cəmi 6 matçda forma geyib. Onun performansı klub rəhbərliyini qane etmir. Bu səbəbdən mövsümün sonunda icarə müddəti başa çatan kimi Zakariya Premyer Liqa klubunun düşərgəsindən ayrılacaq.

Xatırladaq ki, “Yuventus”a qədər isveçrəli orta xətt oyunçusu Münhenqladbax “Borussiya”sı, “Yanq Boyz” və “Servett”də forma geyib.