Benzema: “Barselona” ilə oyuna hazır olacağam”

“Real”ın hücumçusu Kərim Benzema Çempionlar Liqasının 1/8 final mərhələsinin cavab oyununda “Liverpul”u 1:0 hesabı ilə məğlub etdikləri matç barədə danışıb.

Futbolxeber.az saytının məlumatına görə, ikinci hissədə zədələnən fransız forvard durumuna da aydınlıq gətirib:

“Bu, çətin oyun idi. Lakin biz ilk dəqiqələrdən mərhələ adlamağı nə qədər çox istədiyimizi meydanda nümayiş etdirdik. Püşk barədə düşünmürəm. Çünki istənilən rəqibə qarşı vuruşmalısan. Müasir futbol belədi. Nə qədər güc sərf etməyimiz önəmli deyil. Əsas olan qələbə qazanmaqdı. Əvəzlənməyim dizimdən aldığım arzuolunmaz zədə ilə bağlı idi. Lakin bir problem yoxdu. Bazar günü “Barselona” ilə matça hazır olacağam”.