Kroos “Real”dan gedə bilər

Toni Kroos mövsümün sonunda “Real”dan ayrıla bilər.

Futbolxeber.az saytının AS-a istinadən verdiyi məlumata görə, alman yarımmüdafiəçi klubun yeni müqavilə ilə bağlı təklifinə cavab verməyə tələsmir. Kroos Cud Bellinqemin transferinin baş tutub-tutmayacağını gözləyir. Belə ki, “Borussiya”nın üzvü komandaya cəlb edilsə, alman yarımmüdafiəçi “Real”dan gedəcək. Kroos hesab edir ki, Bellinqemin gəlişi ilə o, əsas heyətdəki yerini itirəcək.

Qeyd edək ki, Toni Kroosun “Real”la müqaviləsi mövsümün sonunda başa çatır. O, 2014-cü ildən “Kral klubu”nun formasını geyir.