Ançelotti: “Bu, çox pis nəticədi”

“Real”ın baş məşqçisi Karlo Ançelotti İspaniya kubokunun yarımfinal mərhələsinin ilk oyununda “Barselona”dan aldıqları 0:1 hesablı məğlubiyyəti şərh edib.

Futbolxeber.az saytının məlumatına görə, italiyalı mütəxəssis nəticənin ədalətsiz olduğunu vurğulayıb:

“Bu, çox pis nəticədi. Yenilgiyə layiq deyildik. Çünki öz tərəfimizdən yaxşı oynadıq və “Barselona”ya istədiyi kimi çıxış etməyə imkan vermədik. Yalnız son nöqtəni qoymaqda çətinlik çəkirdik. Rəqibin müdafiəsini yara bilmədik”.

Xatırladaq ki, “Barselona” və “Real” arasında cavab oyunu aprelin 5-də “Nou Kamp”da keçiriləcək.