Fevralın ən yaxşısı adına 6 namizəd

İngiltərə Premyer Liqasında fevral ayının ən yaxşı futbolçusu adına 6 namizəd var.

Futbolxeber.az saytının məlumatına görə, siyahıdakı ilk isim “Tottenhem”in müdafiəçisi Emerson Royaldı. Ötən ay o, 1 qol vurub, 3 görüşdə isə komandası qapısını toxunulmaz saxlayıb.

İkinci namizəd olan “Lester”in hücumçusu Keleçi İxeanaço fevralda 2 qol və 3 məhsuldar ötürmə ilə yadda qalıb.

Üçüncü namizəd olan Bernd Leno 4 görüşdə qapısından qol buraxmayıb.

Namizədlər sırasında yer alan “Mançester Yunayted”in hücumçusu Markus Reşford ötən ay 5, “Aston Villa”nın forvardı Olli Uotkins isə 4 qol vurub.

Sonuncu namizəd olan “Fulhem”in yarımmüdafiəçisi Manor Solomon isə 3 dəfə fərqlənib. Lakin o, cəmi 86 dəqiqə meydanda olub.