Toşak: "O, fantastik futbolçudur"

"Xəzər Lənkəran"ın baş məşqçisi Con Toşak İspaniya mətbuatına açıqlama verib. Futbolxeber.az-ın məlumatına görə, "Marca"ya danışan uelsli mütəxəssis həmyerlisi Qaret Beyldən söz açıb: "Beyli yaxşı tanıyıram. Bilirəm ki, onun səviyyəsi Kriştianu Ronaldo və Lionel Messidən çox uzaq deyil. Transfer qiymətinin 100 milyon avro olması futbolçunun günahı deyil. Bu qiyməti klub prezidentləri razılaşdırıb və onların günahıdır. Yayda Beylin bəxti gətirmədi, 2 komanda - “Tottenhem”lə “Real”ın arasında qaldı. Qaret fantastik futbolçudur. Sizi buna inandırıram. Buna şübhə də etməyin”.