Boatenq: "Mekses bu cəzaya layiq idi"

"Milan"ın sabiq, "Şalke"nin hazirki üzvü Kevin-Prins Boatenq keçmiş komanda yoldaşı Filipp Meksesin İtaliya Futbol Federasiyası tərəfindən 4 oyunluq cəzalandırılmasına münasibət bildirib. Futbolxeber.az-ın məlumatına görə, qanalı futbolçu Meksesin bu cəzaya layiq olduğunu qeyd edib: "Mekses mənin ən yaxın dostlarımdan biridir. O hər oyunda komandasına uğur qazandırmaq üçün əlindən gələni edir. Amma bu dəfə Mekses düzgün hərəkət etmədi. Hesab edirəm ki, o bu cəzaya layiqdir. Yəqin ki Mekses bu hadisədən dərs çıxarar. Çünki mühüm oyunlarda bu cür hərəkətlər yolverilməzdi".