Neymar: “Əsas məqsədimiz ÇL-i qazanmaqdı”

PSJ-nin hücumçusu Neymar Çempionlar Liqasının 1/8 final mərhələsində “Bavariya”ya qarşı keçirəcəkləri oyunlar barədə danışıb.

Futbolxeber.az saytının Fransa mətbuatına istinadən verdiyi məlumata görə, braziliyalı forvard əsas məqsədlərinin turniri qazanmaq olduğunu bildirib:

“Özümə güvənirəm. Nəyə qadir olduğumu, hansı keyfiyyətlərə sahib olduğu bilirəm. Bu oyuna hazıram. Bizim əla komandamız var. İddialı klublara qarşı oynamaq mənə zövq verir. Yüksək səviyyəli futbolçular məhz bu cür matçlarda özlərini göstərməlidirlər. Əla oyun sərgiləmək üçün bütün gücümüzü meydanda qoyacağıq. Bizim əsas məqsədimiz Çempionlar Liqasını qazanmaqdır. Daha əvvəl bunu bacarmamışıq. Bəzən sona yaxın müəyyən səhvlər istəyə çatmağa mane olur. Ümid edirəm ki, cari mövsümdə hər şey fərqli olacaq”.

Xatırladaq ki, PSJ - “Bavariya” oyunu fevralın 14-dən 15-nə keçən gecə Bakı vaxtı ilə 00:00-da start götürəcək.