Qonşusu Neymarın səs-küydən şikayətləndi: "Polisə şikayətlə nə dəyişir ki?"

PSJ-nin hücumçusu Neymarın Parisdəki qonşuları tez-tez ondan şikayət edirlər.

Futbolxeber.az saytının xarici KİV-ə istinadən verdiyi məlumata görə, Valentin adlı qonşulardan biri bildirib ki, ulduz futbolçu evində tez-tez ziyafət təşkil etməsə də, bəzən səs-küydən gec yatmaq olmur:

“Mən burda yaşadığım müddətdə 4, ya 5 dəfə Neymar evində səs-küylü ziyafət təşkil edib. Şənlik səhər 5-6-ya qədər davam edib. Sonuncu dəfə belə hal Parisdə baş tutan Braziliya - Tunis oyunundan sonra yaşanmışdı (27 sentyabr, 2022-ci il – red.). Axşam 23:00 radələrində bütün komanda Neymarın evinə gəldi. Daha sonra saat 6-ya kimi əyləndilər. Təəssüf ki, məni çağırmamışdılar (gülür)”.

“Bəs səs-küy olarkən polisə xəbər verirsinizmi” sualını Neymarın qonşusu belə cavabıandırıb: “Daha əvvəl şikayət edənlər olub. Bir dəfə polisin gəldiyini görmüşəm. Amma şikayətlə nə dəyişir ki? 135 avro cərimə edirlər, vəssəlam. Neymar üçün o pul heç nədir”.