Ten Haq: “Avropada 4 turnirdə mübarizə aparan yeganə komandayıq”

“Mançester Yunayted”in baş məşqçisi Erik ten Haq İngiltərə Premyer Liqasının 23-cü turunda “Lids”i 2:0 hesabı ilə məğlub etdikləri oyun barədə danışıb.

Futbolxeber.az saytının xarici KİV-ə istinadən verdiyi məlumata görə, holland mütəxəssis komandası haqda müsbət fikir bildirib:

“Biz bu gün növbəti dəfə komanda olduğumuzu sübut etdik. Avropada 4 turnirdə mübarizə aparan yeganə kollektivik. Buna görə də bütün heyətdən yararlanmaq lazımdı. Qazandığımız uğurda hər kəsin payı var. Lakin mövsüm hələ bitməyib. Sona kimi xarakter göstərməliyik”.

Qeyd edək ki, “Lids” üzərində qazanılan qələbədən sonra xallarının sayını 46-ya çatdıran “Mançester Yunayted” turnir cədvəlində üçüncü pillədə qərarlaşıb.