Ronaldinyo: "Karyerama PSJ-də son qoymaq istəyirəm"

"Atletiko Mineyro"nun futbolçusu Ronaldinyo gələcək karyerası haqda danışıb. Futbolxeber.az-ın məlumatına görə, Ronaldinyo karyerasını başa vurmaq istədiyi klubun adını da açıqlayıb: "Hazırda PSJ ən güclü komandalardan biridir. Odur ki, bu cür möhtəşəm klubda futbolçu karyeramı bitirmək istəyirəm. Hazırda həmyerlim Lukas Moura da Parisdə çıxış edir. Onun çox böyük istedadı var. Əminəm ki, bir gün o, öz oyunu ilə bütün dünyanı heyran qoyacaq. O ki qaldı mənə, indidən PSJyə dönüb-dönməyəcəyi dəqiq söyləyə bilmərəm. Bunu zaman göstərəcək".