Ferqyusson: "Runini ən böyük problemi odur ki..."

"Mançester Yunayted"in keçmiş baş məşqçisi Aleks Ferqyusson Ueyn Runi haqda maraqlı fikirlər səsləndirib. Futbolxeber.az-ın məlumatına görə, 71 yaşlı mütəxəssis Runinin hələ ötən mövsüm başa çatmamış komandadan getmək istədiyini bəyan edib: "Runi həqiqətən də komandadan getmək istəyirdi.O, bu fikrə indi yox, hələ bir müddət əvvəl düşmüşdü. Çempionluğu təmin etdiyimiz günün səhəri Runi komandadan getmək istədiyini mənə söylədi. Runinin ən böyük problemi odur ki, bütün ölkə ona böyük ümid bəsləyir. Bu səbəbdən də azarkeşlərin, medianın gözü daim Runinin üstündədir. Eləcə də onun yanında müxtəlif fikirli insanlar var. Onlar Runiyə fərqli məshələtlər verirlər ki, bu da futbolçunun fikrini tez-tez dəyişməsinə səbəb olur. Mən heç vaxt Ueynlə mübahisə etməmişəm. Başqalarına qarşı tətbiq etdiyim intizam qaydalarına o da riayət edib".