Ter Ştegen Premyer Liqa klubuna keçir?

“Barselona”nın qapıçısı Andre ter Ştegen karyerasını İngiltərə Premyer Liqasında davam etdirə bilər.

Futbolxeber.az saytının xarici KİV-ə istinadən verdiyi məlumata görə, “Nyukasl” alman qapıçının xidmətində maraqlıdır. İngiltərə təmsilçisi ter Ştegen üçün 50 mln avro ödəməyə hazırdı. Üstəlik, qapıçıya istənilən maaş ödəniləcək.

“Barselona” əsas qapıçısı ilə vidalaşmaq istəməsə də, maliyyə sıxıntılarına görə ter Ştegenin satılması mümkündü.  

Qeyd edək ki, 30 yaşlı qapıçı 2014-cü ildə “Barselona”ya transfer olunub. Kataloniya klubunun heyətində o, 344 matçda forma geyib.