De Bruyne dünya çempionatından sonra millidən gedir?

Belçika millisinin üzvü Kevin de Bruyne Qətərdə keçiriləcək dünya çempionatından sonra yığmadakı karyerasını başa vura bilər.

Futbolxeber.az saytının məlumatına görə, 31 yaşlı yarımmüdafiəçi DÇ-2022-nin karyerasındakı sonuncu mundial olacağını bildirib:

“Artıq 31 yaşım var. 4 ildən sonra nələr olacağını isə heç birimiz bilmirik. Bu, karyeramdakı sayca üçüncü dünya çempionatı olacaq. Başa düşürəm ki, millidəki zamanım sona yetir. Lakin hələlik komanda yoldaşlarımla bu barədə müzakirə aparmamışam. Çünki həddindən artıq yüklənmiş qrafikimiz var”.

Xatırladaq ki, de Bruyne Belçika millisində 2010-cu ildə debüt edib. O, 93 oyunda 25 qol vurub.