Milner “Liverpul”un uğursuzluğundan danışdı

“Liverpul”un yarımmüdafiəçisi Ceyms Milner komandasının cari mövsümdəki uğursuz çıxışı barədə danışıb.

Futbolxeber.az saytının xarici KİV-ə istinadən verdiyi məlumata görə, təcrübəli futbolçu məyus olduqlarını bildirib:

“Son illər qazandığımız uğurlarla müqayisədə hazırkı durumumuzu qəbul etmək çox çətindi. Məyus olsaq da, vəziyyəti düzəltmək üçün əlimizdən gələni edəcəyik. Amma biz komanda kimi birik və sona qədər mübarizə aparacağıq”.

Qeyd edək ki, İngiltərə Premyer Liqasının 14-cü turunda öz meydanında “Lids”ə uduzan (1:2) “Liverpul” turnir cədvəlində 9-cu pilləyə enib.