“Pünik” üçün acınacaqlı sonluq

UEFA Konfrans Liqasında qrup mərhələsinin V turuna yekun vurulub.

Futbolxeber.az saytının məlumatına görə, Ermənistan çempionu “Pünik” bu tur səfərdə “Slovan”ın qonağı olub. Slovakiya təmsilçisi ilə oyun ermənilər üçün acınacaqlı sonluqla bitib...

“Slovan” - “Pünik” matçında hesab 64-cü dəqiqədə açılıb. Moldovalı Eugeniu Cociuc penaltidən fərqlənməklə Ermənistan təmsilçisini hesabda önə keçirib. Bu matçda qələbə qazanacağı halda, “Pünik” növbəti mərhələyə vəsiqəni təmin etməklə Ermənistan futbolunda ilkə imza atacaqdı. Lakin “Slovan” ermənilən bu arzusunu ürəyində qoyub.

Əvvəlcə matçın 84-cü dəqiqəsində “Slovan” hesabı bərabərləşdirilib. Gürcüstan millisinin kapitanı Quram Kaşiya status-kvonu bərpa edib. 1 dəqiqə sonra isə “Pünik”in qapıçısı David Yurçenko çıxışda kobud səhvə yol verib və Erik Ramirez fərqlənib. Venesuellalı forvardın qolu “Slovan”a 2:1 hesablı qələbə qazandırmaqla Ermənistan çempionunun xəyallarını puç edib.

Hazırda “Pünik” 6 xalla H qrupunda üçüncü yerdə qərarlaşıb. Son turda komanda “Bazel”i qəbul edəcək. Mərhələ adlamaq üçün Ermənistan təmsilçisi mütləq qələbə qazanmalıdı.