Krivotsyukun yoxluğunda “Visla” xalsız qaldı

Futbol üzrə Polşa çempionatında 31-ci turun oyunları keçirilib.

Futbolxeber.az saytının məlumatına görə, Azərbaycan millisinin müdafiəçisi Anton Krivotsyukun formasını geyindiyi “Visla” (Plotsk) da növbəti matçına çıxıb.

Sözügedən kollektiv səfərdə “Termalika” ilə qarşılaşıb. Futbolçumuzun komandası bu oyundan məğlubiyyətlə ayrılıb - 0:1.

Krivotsyuk bu görüşün iştirakçısı olmayıb. Onun adı qarşılaşmanın iştirak ərizəsinə də daxil edilməyib.

Qeyd edək ki, Plotsk “Visla”sı 31 turdan sonra 45 xalla 18 kollektiv arasında 6-cı pillədə qərarlaşıb.