"Balayev peşəkardı, hər şeyi başa düşür"

Qazaxıstanın "Turan" klubunun baş məşqçisi Kuanış Kabdulov komandanın azərbaycanlı qapıçısı Emil Balayev haqqında danışıb.

Futbolxeber.az saytının məlumatına görə, o, Premyer Liqanın 9-cu turunda "Astana" ilə keçirilən görüşdən (3:3) sonra Balayevin hələ də yeni komandasında debüt etməməsi barədə fikirlərini bildirib. Qazaxıstanlı mütəxəssis "Erjan Tokotaev yaxşı oyun nümayiş etdirir, Emil Balayevin ehtiyat qapıçıya çevrildiyini demək olarmı?" sualını belə cavablandırıb: 

"Emil başa düşür ki, komandaya gələndə zədələndi və bir ay ərzində bərpa prosesi keçdi. Gənc futbolçumuz Tokotayeva gəlincə, o, 4 oyunda qapısını toxunulmaz saxlaya bilib. Heç bir şikayət yoxdur. Emil Balayev peşəkardır, hər şeyi başa düşür".

Qeyd edək ki, mart ayında "Qarabağ"dan ayrılaraq Qazaxıstan klubuna keçib.