Serxio Ramos: "Az qalırdı qulaqlarımız bata"

"Real"ın aparıcı üzvü Serxio Ramos "Qalatasaray"ı məğlub etdikləri oyun (6:1) haqda danışıb. Futbolxeber.az-ın məlumatına görə. təcrübəli müdafiəçi yerli azarkeşlərdən ağızdolusu söz açıb: "Qalatasaray"ın stadionunda möhtəşəm atmosfer var idi. Yerli azarkeşlər öz komandalarına əla dəstək verir, onları qələbəyə səsləyirdilər. Bu da rəqib üzərində təzyiq yaradır. Azarkeşlərin səsləri o qədər yüksək idi ki, az qalırdı qulaqlarımız bata. Bu cür hallarda isə futbolçular bir-birlərini eşitməkdə çətinlik çəkirlər. Ronaldoya gəldikdə isə, o əla çıxış etdi. Onun komandaya böyük faydası dəyir".