Bışovets: "Ponomaryov barədə bu sözləri cılız adamlar deyə bilər"

"İqor Ponomaryovu milliyə cəlb etməyi həmin vaxt köməkçim olan Hacı Hacıyev təklif etdi. Mövqe ilə bağlı problemimiz var idi".

Futbolxeber.az saytının məlumatına görə, bu fikirləri futbol üzrə SSRI yığmasının sabiq baş məşqçisi Anatoli Bışovets 1988-ci il Seul Yay Olimpiya Oyunlarının qalibi olmuş futbolçular barədə danışarkən deyib.

74 yaşlı mütəxəssis keçmiş yarımmüdafiəçini yaxşı oyunçu adlandırıb. Lakin Bışovetsin fikrincə, Ponomaryov nə çağırılanadək, nə də çağırıldıqdan sonra olimpiya komandasının əsas oyunçusu olmayıb: "Bütün Azərbaycanın Ponomaryovu yığmaya cəlb etmək üçün "atışdığı"na dair söz-söhbətləri eşitmək sadəcə ayıbdır. Bunları cılız insanlar deyə bilərlər".

Qeyd edək ki, İqor Ponomaryov 1988-ci ildə SSRİ yığması ilə olimpiya çempionu olub ("Report").