Kerjakov: "Bakıda qalib gəlmək üçün əlimizdən gələni etməliyik"

"İsraillə görüşdə qələbə üçün oynadıq və oyunboyu topa nəzarət etdik. Praktiki olaraq rəqibə hücum etmək imkanı vermədik. Lakin son dəqiqələrdə bir qədər rahatlaşdıq və qapımızda qol gördük". Futbolxeber.az-ın məlumatına görə, bu sözləri Rusiya millisinin hücumçusu Aleksandr Kerjakov deyib.

Təcrübəli futbolçu Azərbaycan millisi ilə matçda qələbə qazanmalı olduqlarını qeyd edib: "Qarşıda Lüksemburq və Azərbaycanla oyunlarımız var. Təbii ki, səfər oyunları çətin keçir. Ancaq istədiyimiz nəticəni əldə etmək üçün hər iki oyunda qələbə qazanmalıyıq. Bunun üçün əlimizdən gələni edəcəyik".