Roman Qriqorçukun komandası çempion oldu

Belarus çempionatında 2020 mövsümünə yekun vurulub.

Futbolxeber.az saytının məlumatına görə, yarışın qalibi sonuncu - 30-cu turda müəyyənləşib.

Son turda Soliqorsk “Şaxtyor”u doğma meydanda “Minsk”ə qalib gəlib - 4:2. Bu qələbə ilə sabiq “Qəbələ”li Roman Qriqorçukun baş məşqçisi olduğu komanda 59 xalla ölkə çempionu olub.

BATE 58 xalla ikinci, 56 xala malik “Torpedo-Jodino” isə üçüncü yeri tutub.

Qeyd edək ki, “Şaxtyor” tarixində ikinci dəfə Belarus çempionu olub. Komanda ilk dəfə 2005-ci ildə qızıl medallara yiyələnib.

Xatırladaq ki, Qriqorçuk 2015-2018-ci illər aralığında “Qəbələ”ni çalışdırıb. O, bu ilin sentyabrında Belarus təmsilçisinə baş məşqçi təyin olunub. “Qəbələ”dən sonra “Astana”nı çalışdıran ukraynalı mütəxəssis bu klubla da ölkə çempionluğu sevincini yaşayıb.