Rafaelov: "Azərbaycanla oyundan sonra vəziyyət çox pisdir"

İsrail millisinin yarımmüdafiəçisi Lior Rafaelov yığmanın hazırki baş məşqçisi Eli Qutmana dəstək olub. Futbolxeber.az-ın məlumatına görə, Rafaelov hələ də Azərbaycan millisi ilə oyundan sonra özlərinə gələ bilmədiklərini bildirib: "İsrail millisinin yeni baş məşqçisi kim olacaq? İndi bu barədə danışmaq vaxtı və yeri deyil. Təsəvvür edin ki, biz Rusiya və Portuqaliyaya qalib gəldik. Onda nə olacaq? Qutman şah elan olunacaq? Hamı mənim baş məşqçi haqda nə düşündüyümü, ona necə hörmət bəslədiyimi gözəl bilir. Sözün açığı, Azərbaycanla oyundan sonra vəziyyət çox pisdir. Buna baxmayaraq, toparlanıb, Rusiya ilə oyunda uğur qazanmalıyıq".